श्री कृष्णाची आरती
ओवाळू आरती मदनगोपाळा ।
श्यामसुंदरा गळा वैजयंतीमाळा ॥धृ.॥
चरणकमल ज्याचे अति सुकुमार ।
ध्वजवज्राकुश ब्रीदाचे तोडर ॥१॥
नाभिकमल ज्याचे ब्रह्मयाचें स्थान ।
हृदयी पदक शोभे श्रीवत्सल छान ॥२॥
मुखकमल पाहता सूर्याचिया कोटी ।
वेधले मानस हारपली दृष्टी ॥ ३ ॥
जडित मुगुट ज्याचा देदीप्यमान ।
तेणे तेजे कोंदले अवघे त्रिभुवन ।। ओवाळू॥४॥
एका जनार्दनी देखियले रूप ।
रूप पाहता जाहले अवघे तद्रूप ॥५॥
