कर्पूरगौरं करुणावतारं
संसारसारं भुजगेन्द्रहारम् ।
सदा वसन्तं हृदयारविन्दे
भवं भवानीसहितं नमामि ॥
मन्दारमाला कुलतिलकायै
कपालमालांकित शेखराय ।
दिव्याम्बरायै च दिगंबराय
नमः शिवायै च नमः शिवाय ॥
--------------------------------------------------------------------------------------------------------------------------------------------------------
आरती झाल्यावर कर्पूर आरती म्हटली जाते. सर्व साधारणपणे आपल्याला ह्या सर्वच आरत्या ऐकून ऐकून पाठ झाल्या आहेत. मात्र त्यामुळे बरेचदा चुकीचे उच्चार ही केल्या जातात. मुख्य आरतीनंतर 'कर्पूर आरती' म्हणून म्हटल्या जाणा-या या आरतीचा कापूराशी काही संबंध नाही. केवळ सुरुवात 'कर्पूर' शब्दाने होते इतकेच.
हे शिवपार्वतीचे एक अतिशय सुरेख स्तवन आहे. अर्थानुसंधान ठेवले तर या स्तवनाने अधिक आनंद मिळतो.
कर्पूरासारखा शुभ्र, तेजस्वी आणि निर्मळ वर्ण असलेले, करुणेचा साक्षात अवतार असलेले, या संपूर्ण संसाराचे सार (मूल तत्त्व) असलेले, आणि महान सर्प (शेषनाग) ज्यांचा हार आहे असे भगवान शिव...म्हणजेच शिव शंकर तुम्ही माझ्या हृदयकमलात सदा निवास करावा म्हणून शिव शंकरांना पार्वतीसह नमन करतो, वंदन करतो.
मंदार फुलांची माळ धारण करणाऱ्या, कुलाचा अभिमान असलेल्या देवी (पार्वती),आणि कपालांची (मुण्डांची) माळ धारण करणाऱ्या, शिरावर चंद्र धारण केलेल्या शिवांना...त्या शिव आणि शिवा (पार्वती) या दोघांना मी नमन करतो, पुनःपुन्हा नमन करतो.
