श्री दत्ताची आरती
त्रिगुणात्मक त्रिमूर्ती दत्ता हा जाणा ।
त्रिगुणात्मक अवतार त्रैलोक्यराणा ।
नेती नेती शब्द न ये अनुमाना ।
सुरवर मुनिजन योगी समाधी न ये ध्यानी ॥१॥
जय देव जय देव जय श्रीगुरुदत्ता ।
आरती ओवाळीतां हरिली भवचिंता ॥धृ॥
सबाह्य अंतर्यामी तू एक दत्त ।
अभाग्याशी कैची कळेल ही मात ।
पराही परतली तेथें कैचा हा हेत ।
जन्ममरणाचा पुरलासे अंत ॥२॥
दत्त येऊनिया उभा ठाकला ।
सद्भावें साष्टांगे प्रणिपात केला ।
प्रसन्न होऊनी आशीर्वाद दिधला ।
जन्ममरणाचा फेरा चुकविला ॥३॥
दत्त दत्त ऐसें लागले ध्यान ।
हरपलें मन झालें उन्मन ।
मी-तुं पणाची झाली बोळवण ।
एका जनार्दनी श्रीदत्त ध्यान ॥४॥
------------------------------------------------------------------
श्री गुरू दत्तराज मूर्ती
श्री गुरु दत्तराज मूर्ती ओवाळीतो प्रेमे आरती ॥धृ॥
ब्रह्मा विष्णू शंकराचा, असे अवतार श्री गुरुचा ।
कराया उद्धार जगाचा, जाहला बाळ अत्रीऋषीचा ।
धरीला वेष असे यतीचा, मस्तकी मुगुट शोभे जटेचा ।
कंठी रुद्राक्ष माळ धरुनी, हातामधे आयुधे बहुत धरोनी,
तेणे भक्तांचे क्लेश हरूनी, त्यासी करूनी नमन ।
अघशमन होईल रिपुदमन, गमन असे त्रिलोक्यावरती ॥१॥
गाणगापुरी वस्ती ज्याची, प्रीती औदुंबर छायेसि ।
भीमा अमर संगमासी भक्ती असे बहुत सुशिष्यांची ।
वाट दावूनीया योगाची ठेव देत असे निज मुक्तीची ।
काशी क्षेत्री स्नान करितो, करविरी भिक्षेला जातो ।
माहुरी निद्रेला वसतो, तरतरीत छाती, भरजरीत
नेत्र, गरगरित शोभतो त्रिशूळ जया हाती ॥२॥
अवधूत स्वामी सुखानंदा, ओवाळीतो सौख्यकंदा ।
तारी हा दास रुदनकंदा, सोडवी विषय मोहछंदा ।
आलो शरण अत्रीनंदा, दावी सद्गुरु ब्रह्मानंदा ।
चौर्यांशीचा फेरा चुकवी, घालीती षडरिपू मज घेरा ।
गांजीती पुत्र पौत्र दारा, वदवी भजन मुखी, तव
पूजन करीत असे सुजन, तयांचे या दासावरती ॥३॥
